منتديات ليب مون

شامــــيـــــــة عتيــــــــــــئة

مرة واحد كان عايش بضيعة ضايعة سمع عن الشام وقرر يزورها

وبيوم من الايام نزل عالشام و بلش يتفتل فيها

بين الاسواق والمحلات و هون و هون

وهو بالطريق فات بوحده من حارات الشام القديمة

هذا من كتر ما مشي حس بالعطش

فكر انو يد ق باب شي بيت بيطلب منهم يسقوه

بس بينو وبين حالو كان عما يفكر و يقول

والله بيحكو عن أهل الشام انو بخلا ء وأكيد ما حدا رح يسقيني المهم بعد حوار طويل مع نفسو قرر انو يدق على واحد من البواب

د ق الباب فتحتلو وحده بتشبه فريال حماتو لعصام

قلتلو خير يا أخي شو بدك جايينا بطئة الشوب

قلها الله يوفئك أنا غريب عن الشام وعطشت

ودقيت عليكم الباب وقلت بركي بتسقوني

قالتلو إي ولو مو تكرم عينك والله فاتت على البيت

وجابتلو زبدية لبن باردة

هذا أخونا ما صدق على حالو حط الزبدية على تمو

وبدي يغب بهاللبن يغب لحتى خلص اللبنات

قلها يسلمو إيديكي بس بصراحة ما كنت متوقع انو تسقيني

قلتلو أوف ليش بقا ؟؟؟
قلها لأنو بيحكو إنو إنتو بُخلا

قلتلو ولا يهمك بس هدول اللبنات جابون جوزي من شي جمعه وسلتت فيهم فارة قلت لحالي منسقيك ياهم أحسن ما نكبهن

هدا لما سمع هيك من قهرو طبش الزبدية بالارض

قلتلو ولييييييييي عليك شو ما فيك خير

شكــرا عالـموضوع الطريف
تحياتي لعيونك

لأولوأي ما أبول لا والله ما زمر بنيك
أهل الشام بخلا
أذا هنة بخلا أصح الباقيين شو
الشام أهل المروة والكرم
وعلى كلن مشكورة عالنكتة اذا كانت مقصودة نكتة
زمر بنيك :يعني ما حزرتي
تقبلي مروري الأخوي

هاي

بليززززز ما تزعلوا مني هيدي نكتة

اولا ارسلتها لي صديقتي وهي من سوريا

ثانيا ابني خاطب فتاة من حلب

لو لم متاكدة من كرم اهل سوريا ما كنت وافقت ابني على الخطوبة

انها نكتة فقط

اي ههههههههههههه
ياسلام
وممنعرف أنو مو مقصودة بس حبينا نهز الورد لنشم ريحتو