منتديات ليب مون

امل الغد طبعا كل امرأة ولها نظرتها للامور وتقبلها لها
واكيد نتقبل رأيك برحابة صدر لانه يعبر عنك فقط وكل منا عبر عن رأيه بالموضوع

لكن انا عندي تعليق على جمله ذكرها الاخر خليل الا وهي
لقد اصبح الرجال من غيرة المرأة واحتكارها لزوجها وكأنهم جزء من مقتنايات منزل _
هلأ اذا الزوجة بتحب زوجها وبدها يكون قلبه لها وقلبها له وان يشاطرها كل امور حياته ويشاركها كل امور حياتها واطفالها ولا يشاركها زوجة اخرى تكون بذلك ترغب بتملكه وتصفها بالمغرورة؟؟؟؟؟
لكان عذرا ولكني سأعتبر من يتزوج دون عذر مقنع اناني لانه فكر بنفسه

الاسلام أحل التعدد ولكن وضع له ظروفا وشروط، ولكن للأسف واقولها للأسف بعض من يطلقون على انفسهم رجال الدين يأخذون هذه الرخصة ويغالون بها لدرجة انه يكون استاذ شريعة اسلامية بالجامعة وتراه يتزوج طالبته لا بل يكرر ذلك
وما تحكيلي والله هدفه تخفيف العنوسة ومن هالحكي يلي بيمسكه الرجل شماعة يعلق عليها مبررات زواجه لانه يلي بفكر من ناحية شرعية بحتة لدى التعدد عددهم محدود جدا جدا وجدا ايضا
وانا بفضل ما اتزوج ولا اني كون ضرة واخرب بيت انسانة ما الها ذنب
او يشاركني بزوجي امرأة اخرى
واعتبرني غير واعية او شو ما بدك احكي لكن يلي بده يمشي عالدين بتوقع بفكر قبل المرة الف قبل ما يتزوج لانه عارف شو المسؤوليات الكبيرة يلي رح تكون عليه وشو الواجب الكبير تجاه زوجاته

والله لا يبلينا بهيك شي برجع بدعي من هون لاخر حياتي

وارجو ان تتقبل رأيي الصريح لانه طالما طرحت هالموضوع لنا من حقنا ان نبدي رأينا بكل صراحة ودون تحفظ!

احلى رورو عزيزة عقلبي وبحترم رايك بنفس الطريقة يلي بتحترمي راي كل مشارك

بحب حدد ليش ممكن وافق على الزواج الثاني ومش بس عليي انا
في حالات معينة
وهذا فقط عندما يخطط الرجل الزواج الثاني يعني لمجرد انو خطط يعني قرر وحتى لو ما نفذ يعني رغب بالموضوع ولمجرد انو رغب بالموضوع يعني ,,,,,,,,,,,,,,, ان رضينا او رفضنا حيفكر بغير زوجته وهيدي حقيقة بالرجال
اصلا ما في رجال بالكون من بعد سيدنا ونبينا وحبيبنا سيدنا محمد (ص) مخلص للمراة كان مخلص حتى بالنظرة رغم انو كان في اكثر من زوجة بحياتو وما في رجال بكل معنى الكلمة من بعدو اصبحو اليوم نسخة تقليدية عنو ويا ريت يوصلو ل80% من شخصيتو ونفسيتو
بس عفوا على هالجملة ::: بفضل اتنازل بالقليل وبالحلال على ان يدخل على بيتي الامراض
لان ما في اكتر من البنات يلي عم يزيدو الفلتان والفساد لوكل انسان رفض العلاقة المحرمة ما وصلنا لهون واتاكدي عزيزتي ما في رجل مخلص 100%

ومش عم افرض رايي على حدن بس حلو الانسان يكون واقعي وازا ما فينا نضوي شمعة غلط نشعل حريق
تحياتي واحترامي للكل
امل الغد... الحمدالله بعد عنا امل

الاخ المحترم خليل صور بشكرك على رايك فيني
هيدا من لطفك وذوقك
بس انا ما بجامل وبظن الكل صار يعرف هالشي فيني
مع احترامي لشخصك صح الرجل محلل الو الزواج الاول وال2 وال3 وال4
لسبب واحد بس
رب العباد وحدو بيعلم ما بقلوب عباده وبيعرف ادم كيف تكوينو
(((منعا للعلاقات المحرمة)))
ما في اجمل من الجنة اروع نتيجة الواحد بيحصل عليها وبلا ما الواحد يتعب قلبو ههههههههه
تحياتي واحترامي
امل الغد

برأيي أن تعدد الزوجات من شأنه أن يحقق العديد من الإيجابيات على عديد الأصعدة لكن بضوابط.
من جهتي هذا الحق المشروع عليه أن يخضع لشروط مثلا أن تكون الزوجة عاقرًا أو عاجزة أو أن يكون هنالك سبب كافٍ لذلك كما يلزم وجوبًا رضا الزوجة الأولى على ذلك ... فمن المعلوم أن مثل هذه الحالات كثيرًا ما تؤدي إلى انتهاء العلاقة الزوجية وبالتالي يكون هذا الخيار أفضل من أن تبقى الزوجة عاقرًا و مطلقة دون معيل و لا كفيل.

الله يبارك بكل الاخوة و الاخوات الذين تكلموا بمنطقية.....برافو عليكم.