منتديات ليب مون

mulan · 04-09-2009, 03:45 PM

من هي الفتاة التي طردت من المحاضرة في الجامعة ؟؟

نيران ( نيرا )

على ماذا كان يحتوي ملف ياسمين ؟

وصفات طعام

ما اسم زميل او مساعد ياسمين بالمطعم ؟

آدم

بانتظار الأجوبة والهدية مميزة جدا يلا بدنا رابحة جديدة ............

نادية عم تنتظر :

[/quote]

قصة ومسلسل رائع مشكوووووووورة بانتظار الحلقة الثانية اليوم ....

FIDAA 88 · 04-09-2009, 05:24 PM

اجاباتك كلها صح مبروووووووووك mulan

FIDAA 88 · 04-09-2009, 06:04 PM

مبروووووووووك

وهديتك هي :

أضغط هنا

وبتربحي لقب الحنونة نادية ان شاء الله ما يزعل مستر لبنان منك ههههه

انتظروا الحلقة الثانية في مساء اليوم ...

FIDAA 88 · 04-09-2009, 08:37 PM

الحلقة الثاني : يوم سيئ جدا (1)

في منزل الفتيات :

نادية تتحدث على الهاتف مع زوجها جودت من لبنان ...

*جودت : شو يعني ما رح تيجي بعد يومين ؟؟

*نادية : ايه حبيبي انا قررت ابقى مع الصبايا شي اسبوع كمان ... بتعرف البنات بالشغل وما في حدا يهتم بالبيت؟؟

*جودت : ايه ، بس انتي صرلك شي شهر ؟؟ والله اشتقتلك ...

*نادية : بعرف حبيبي بس انا عنجد ما بقدر ما بعرف ليش اليوم بالذات قلبي حاسيسني انو رح يصير شي ... لا سمح الله ...

*جودت : طيب ... زي ما بدك انا هلأ عندي اجتماع مهم ، لازم سكر سلمي على الصبايا ، ايه حبيبتي ؟؟

*نادية : بيوصل حبيبي يلا دير بالك على حالك منيح ...

*جودت : ما تخافي علي المهم انت ديري بالك على حالك و على ابني ، اتفقنا ؟؟ يلا باي ...

*نادية : ايه حبيبي مع السلامة ( تضع السماعة وتتوجه نحو المطبخ )

*ياسمين : خير شو قلك جودت ؟؟

*نادية : مسكين كان حابب ارجع بعد يومين وانا قلتلوا اني رح اجل سفري ...

*ياسمين : طيب حبييتي ... معوا حق انت لازم ما تربطي حالك فينا !

*نادية : خلصنا بقا انا هيك قررت ... كمان شو مستقلعة مني ست ياسمين ؟؟

*ياسمين : ( تعانق نادية ) طبعا لأ ، بالعكس انا حابي تضلي معنا على طول بس انا بحكي هيك لمصلحتك ...

*نادية : صدقيني انا هيك مبسوطة ...

*ياسمين : شو ما سامعة حس حدا شو طلعوا ؟؟

*نادية : هيام وميسون نزلوا من بكير ، ورؤى اتصلوا فيها من المكتب عشان عصابة سرقة سيارات ومو سيارات ، اما نيران كالعادة بالجامعة ...

*ياسمين : طيب ، هيام اخذت سيارتها ولا لأ ؟

*نادية : لأ ، اخذتها نيران ... ( تخرجان من المطبخ )

*ياسمين : لكان الله بيعيني عالمواصلات اليوم ... يلا باي

*نادية : مع السلامة حبيبتي ... ( ياسمين تخرج وتغلق الباب خلفها )

في الجامعة :

رامز يصعد على درج مدخل باب الجامعة و مهند ينزل من سيارته بسرعة ويلحق به ...

*مهند : ( ينادي بصوت مرتفع ) رااامز !!

*رامز : أهلاً ، شو كيفك طمني كيف كانت حفلتك يا سمو الملياردير ؟؟؟

*مهند : من شان الله ما تذكرني ... اندلقت علي صنية مشروبات كاملة ...

*رامز : هههههه ، اكيد عم تمزح

*مهند : لا ما عم امزح ، امشي لأحكيلك القصة كلها ...

بنفس الوقت كانت نيران في قاعة المحاضرات تستمع الى محاضرة دكتور جمال عن تقنيات التصوير العالية ...

*جمال : من هون لحوالي اسبوعين لازم كل طالب منكن يكون حضر فيلم وثائقي مدته نصف ساعة على الأقل بيحكي عن اي شي انتوا شايفين انو بشكل خطر على مجتمعنا .... تفضلوا ممكن تمشوا ؟؟

الطلاب ينصرفون ... نيران تضع الكتب في حقيبتها لتنصرف ...

*جمال : ( ينادي ) نيران ممكن لحظة ؟؟؟

*نيران : نعم دكتور جمال ؟؟

احدى الفتيات تتحدث مع طالبة اخرى قبل مغادرتهما القاعة ...

*الطالبة الأولى : شو قصة الدكتور جمال مع هالطالبة ؟؟؟

*الطالبة الأخرى : شو بعرفني شكلوا معجب فيها ؟؟

*الطالبة الأولى : ( تنظر الى نيران بتكبر ) طالبات آخر زمن ... ( تغادران القاعة )

*جمال : انا كنت بس بدي اتأكد انك ما عدتي متضايقة من المشكلة يلي صارت بينك وبين الدكتور ...

*نيران : لا إطمن دكتور جمال انا هلأ أحسن ... انا نسيت اصلاً يلي صار ...

*جمال : منيح وهلأ لوين رايحة ؟؟

*نيران : بدي احضر محاضرة علم النفس الإجتماعي عند الدكتور رامز ...

*جمال : ( متعجب ) عفوا ً ، بس انتي طالبة اخراج ( يضحك ) يعني شو دخل علم النفس ؟؟؟

*نيران : ايه الدكتور صديق للعيلة وانا كتير بحب احضر محاضراته ...

*جمال : ( ينظر الى يد نيران المصابة ) خير شو بها إيديك ؟؟

*نيران : ولا شي ، جرح بسيط مو اكتر..

*جمال : سلامتك ، بس نيران لو سمحتي ممكن ما تنسي حفلة الموسيقى اليوم ؟؟ انا معتمد عليك بالتصوير ...

*نيران : طبعاً ، انشالله بعد المحاضرة ... يلا باي

*جمال : مع السلامة

FIDAA 88 · 04-09-2009, 09:10 PM

الحلقة الثانية : يوم سيئ جدا (2)

في مكتب رامز :

*رامز : هههههههه ، كل هيدا صار معك بليلة ، عنجد انك مسكين ...

*مهند : شو انا عم احكيلك عشان تتمسخر هلأ بندم ها !!

*رامز : ههههه ما تزعل ، اسمع شو رأيك تساعدني بالمحاضرة اليوم ؟؟

*مهند : هلأ انا عم احكيلك عن الصبية يلي بدي موت لإعرفها وانت بتسألني عن المحاضرة ؟؟

*رامز :طبعاً مو إنت شارلوك هولمز ؟؟ انا هلأ عندي محاضرة عن علم نفس الإجرام وانت ممكن تساعدني بصفتك محقق ؟؟ ولا شو ؟!

*مهند : اوكي رح ساعدك .... بس بشرط انا اسمي بس مهند مو الأمير مو ناقصني الصحافة تلاحقني ؟؟

*رامز : تفضل لكان يا سيدي بطلعلك تشوف حالك !( يبتسم مهند ويغادران المكتب)

في قاعة المحاضرات تدخل نيران وتجلس في المقعد الأمامي ... ثم يدخل رامز ومهند فيبدأ الطلاب بالنظر الى بعضهم البعض متسائلين عن هوية الشخص الذي يرافق رامز ...

*رامز : صباح الخير بقدملكوا المحقق مهند رح يساعدنا بمحاضرة اليوم ، يعني ممكن تطرحوا اي اسئلة بتثير فضولكوا ، وانا متأكد انو رح يقدر يعطيكوا الأجوبة الصحيحة ....

تنظر نيران الى مهند حائرة كأنها تعرف ذلك الشخص ...

*طالب : استاذ مهند هلأ في عدة مجرمين بتبعوا نفس طريقة القتل يلي متبعة بكل جرائمهم برأيك ليش ما بتتغير طريقة القتل عندن ؟؟ يعني باختصار هل هذا سببه الحالة النفسية للمجرم ام خوفه اثناء ارتكابه كل جريمة ؟

*مهند : طبعا ً الحالة النفسية للمجرم بتلعب دور كبير فاذا كان بدافع الإنتقام غير ان كان بدافع السرقة .... ( يتابع مهند الإجابة عن أسئلة الطلاب )

*طالبة : استاذ مهند ممكن اسألك سؤال شخصي شوي ؟؟

*مهند : تفضلي

*الطالبة : حضرتك مرتبط شي ؟! ( تنظر جميع الطالبات بتلهف لسماع الإجابة فجأة تضحك نيران بصوت مرتفع فينظر اليها مهند فتشير بيديها معتذرة )

*نيران : عفواً ، انا آسفة

( ينظر مهند الى يديها المجروحة فيتذكر حينها ما حصل معه في المطعم ثم ينظر الى عينيها ويدرك ان هذه الفتاة هي نفسها تلك التي التقاها في المطعم ..

*مهند ( مبتسما ً ) : لا مو مشكلة ، وانا فعلاً مو مرتبط ( تبتسم الطالبات )

*رامز ( ينظر الى نيران ) : شو نيرا مو حابي تسألي اي سؤال ؟؟

*نيران : لا ، شكرا ً

يخرج الطلاب من القاعة ....... تتوجه نيران الى الخارج ، تنزل عن السلالم ، رامز ومهند خلفها ، ينادي عليها رامز ...

*رامز : نيرا !!

تقف نيران وتنظر الى رامز ومهند ..

*رامز : شو رأيك نوصلك بطريقنا

*نيران : لأ ما في داعي انا معي سيارة ..

*رامز : صحيح نسيت ، نيران بقدملك مهند صديقي من ايام الجامعة ، مهند بقدملك نيران اخت خطيبتي سابقاً ...

( يبتسم رامز وينظر الى مهند )

*مهند : تشرفنا ، بس مو اسمك غريب شوي ؟!

*نيران : شو الغريب فيوا ؟؟

*مهند : ما بظن انوا بروما كلها في حدا حامل هيك اسم ؟؟

*نيران : مزبوط ( بسخرية ) بس انا بالأصل مو من روما ؟؟؟

يلا باي رامز

*رامز : مع السلامة ( تغادر نيران ) ..

*مهند : ولك رامز ، انا متأكد انو هاي هيي الصبية ؟؟

*رامز : اي صبية ؟!

*مهند : يعني اية صبية ، البنت بالمطعم !

*رامز : لا مو معقول ، ما بظن انها نيران ... لحظة ، شو اسم المطعم ؟؟

*مهند : مطعم لوسو ...

*رامز : اذا هيك اكيد نيران !!

*مهند : وأخيراً صدقتني ... ليش بقا ؟

*رامز : لأنو اخت نيران ، ياسمين ، بتشتغل بمطعم لوسو !!

*مهند : لكان تفضل احقق معك ...

رامز ومهند يصعدان بالسيارة ....

اما نيران فتخرج مفاتيح سيارتها من حقيبتها ... لكنها لا تجد السيارة ...

*نيران : ( مندهشة ) سيارتي !! وين راحت سيارتي ؟؟

تقف نيران تبحث عن السيارة في كل مكان فتنظر الى الطريق .......... وتتصل بهيام ....

*نيران : آلو ... هيام الحقيني انسرقت السيارة !!

*هيام : ( من المؤسسة ) شو ... طيب خليكي بالجامعة انا جاي لعندك ، ما تخافي اوكي ؟؟

*نيران : اوكي بس بسرعة هيام ...

( تخرج هيام من المؤسسة وتصعد بسيارة الأجرة متوجهة نحو الحرم الجامعي ) ...

في مركز الشرطة ، داخل مكتب رؤى :

يدخل هشام وبيده الملفات ...

*هشام : صباح الخير رؤى

*رؤى : أهلاً ، شو صار معك ؟؟

*هشام : قدرنا نمسك عصابة سرقة السيارات عند آخر لحظة اخيراً ... وهيدي ملفات بمواصفات السيارات يلي انسرقت وقدرنا نلاقيها ...

يعطي هشام رؤى الملفات لتتفحصها حتى تصل الى الملف الثالث ..

*رؤى : ( مندهشة ) مو معقول هيدي سيارة نيران !!

*هشام : شو انت متأكدة هيدي آخر سيارة قدروا يسرقوها قبل ما نمسكهن !!

*رؤى : انا لازم اطلع هلأ على الجامعة ، مسكينة نيران هلأ بتكون ميتة رعبة ...

تغادر رؤى مركز الشرطة متوجهة نحو الحرم الجامعي ....

على طريق الجامعة رامز ومهند داخل السيارة :

*رامز : يا ربي ، نسيت شنطة الملفات بالقاعة خلينا نرجع ..

*مهند : تمسك بروفسيور ( يعود مهند بسرعة قصوى الى الجامعة فيصدم صبية واقفة عل الطريق ، ينزل مهند و رامز للإطمئنان على الصبية .... فيران نيران على الأرض مغماً عليها !! )

*رامز : نيران ، انتِ سامعتني ، نيران بليز ردي علي ...

مهند ( يتصل بسيارة الإسعاف )

FIDAA 88 · 04-09-2009, 09:33 PM

الحلقة الثانية : يوم سيئ جدا (3)

في الجامعة :

نيران مستلقية على مدرج الجامعة رامز ومهند يجلسان بجوارها محاولين ايقاظها دون جدوى ....

تنزل هيام من سيارة الأجرة وترى حشد من الطلاب المتجمعين حول المدرج ... فتسرع الى هناك لترى ... نيران فاقدةً وعيها ...

*هيام : ( تصرخ ) نيران !! شو صار رامز احكي شو بها ؟؟ شو صار ؟؟ نيران ؟؟ ليش ما عم ترد ؟؟؟

*رامز : هيام !! روقي ... نيران منيحة هيي بس فاقدي وعيها ما تخافي ( يحاول تهدئتها )

*هيام : شو ما خاف فهمني شو صار ؟؟

*مهند : انا آسف ، غلطتي انا ! انا صدمتها بالسيارة و.....

*رامز : هيام ، كان مجرد حادث ...

*هيام : طيب اتصلتوا بالإسعاف ...

*مهند : ايه انا اتصلت بس يبدو انو في حادث او عجقة على الطريق لحتا ما قدروا يوصلوا لهلأ ...

*هيام : طيب طلعوها لفوق ، ما في غرفة ممرضة هون بالجامعة ؟؟

*رامز : ايه هوي فيه بس يبدو انها بإجازة اليوم !!

*هيام : يا الله ، نيرا حبيبتي ردي علي ؟؟

تصل رؤى الى الجامعة فتنزل من سيارتها مسرعة نحو حشد الطلاب ....

*رؤى ( تتحدث مع احدى الطلاب ) : خير شو في ؟؟

*الطالب : ولا شي بس يبدو انه في حادثة سير يبدو انو واحد خبط الصبية ..

*رؤى : شو ؟؟

رؤى تسرع نحو المدرج لتجد هيام ورامز يجلسان بقرب نيران ومهند ما يزال يحاول الإتصال بسيارات الإسعاف ...

*رؤى : هيام !! شو بها نيران ؟؟ مين عمل فيها هيك ؟؟

*رامز : انا رح قولك اذا بتضمني انك ما تإذيه ؟؟

*رؤى : هلأ وقتك يا رامز ! خبرني شو صار ؟؟

*رامز : الله يستر ! اسمعي كان مجرد حادث سير مهند ما كان قصدوا وكمان مثل ما انتِ شايفة هيي ما تعورت بس اغمى عليها يعني حادث بسيط مو اكتر ...

*رؤى ( تبتسم وتخرج المسدس من جيبها كالعادة ) : ايه معك حق مجرد حادث ومين هوي مهند ؟؟

*مهند : انا هوي ، انا فعلاً آسف وانا هلأ مستعد عالجها بأحسن مستشفيات روما ...

*رؤى : لأ و لووووو ما في داعي .... ( تشير بالمسدس نحو سيارتها ) انتَ رح تشرف معي هلأ عند مركز الشرطة وانا اكيدة اني رح اضمنلك انشاء الله الإعدام ....

*مهند : إعدام شو ؟؟ انتِ مين مفكري حالك ؟؟ هيدي مجرد حادثة بسيطة اتفقنا ...( بسخرية )

*رؤى : ( بصوت عالي ) بالله شو !!

( نيران تصحو )

*هيام : رؤى !! شوفي نيرا عم تصحى ( يسرع مهند ورؤى نحو نيران )

*نيران : ( تفتح عينيها ) السيااارة !! راحت السيارة ...

*رؤى : هلأ وقت السيارة ، نيرا اسمعيني شوفي كم اصبع هدول ( تشير لنيران بستة اصابع ) ...

*نيران : عشرة ، ليش ؟؟؟

*رؤى : ( تمسك بمهند ) امشي معي جننتلي اختي ...

*نيران : رؤى ، اتركيه ، انا كنت عم امزح معك من شان الله خلص ، هوي شو عمل ؟؟

*هيام : ( تبتسم ) صدمك بالسيارة حبيبتي !!

*نيران : اذا هيك خذيه و اعديمه كمان ...

*رامز : شو عم تقولي الضربة طيرتلك عقلك !! صديقيني كان مجرد حادث مو اكتر ...

( تنهض نيران وتتوجه نحو رؤى وبكل بساطة تأخذ منها المسدس ورؤى واقفة تنظر اليها )

*رؤى : ليش اخذتيه ؟؟؟ (تبتسم ) بدك تنتقمي مو هيك ؟؟

*نيران : لا ، استاذ مهند انا آسفة انا بس كنت متوترة لأني ضيعت السيارة مو اكتر ويبدو انك صدمتني من دون ما تقصد ... انا رح سامحك لأنو الإصابة بسيطة وانا فعلاً آسفة على سلوك رؤى ...

*مهند : ( يبتسم ) مو مهم بكل عيلة الا ما يكون في بذرة فاسدة !!

ينظر الى نيران ويبتسم لها فتبتسم له وتعيد المسدس لرؤى ....

*رؤى : بذرة فاسدة ايه ؟! بتمنى انك تكون قاصد حالك مو حدا غيرك ؟؟ والا ؟؟
*مهند : ( مرتبك ) لأ ولو قاصدك انت ِ طبعا ً ....

تهجم رؤى عليه يحاول رامز و هيام ابعادها عنه ...

*رؤى : (بصوت مرتفع ) اتركوني عليه او بفجر الجامعة باللي فيها

( يغادر حشد الطلاب مسرعاً وهم مرعوبين مغادرين الجامعة بسبب خوفهم من كلام رؤى ) ...

*هيام : رؤى حبيبتي انتِ اصلاً ، شو جابك لهون ...

*نيران : ايه مزبوط انا ما اتصلت فيكِ ، ( محتارة بسبب الحادث ) او اتصلت ؟؟

*رؤى : لأ حبيبتي ما اتصلتِ ما هيام اهم ولوو ، على اي حال انا اجيت لأنو هشام مسك عصابة سرقة السيارات وعلى ما يبدو انو سيارتك كانت آخر محاولة للعصابة ...

*نيران : يعني لقيتيها ؟؟

*رؤى : عيب انا شرطية ، ولو ما بتثقي في ؟؟

*مهند : ( يسخر ) ايه مزبوط وعشان هيك بتهددي وبتوجهي سلاحك نحو اي شخص ، مو هيك ؟؟؟

*رامز : خلصنا بقى مهند !

*هيام : رؤى خذينا عالبيت لازم نيرا ترتاح ...

*رؤى : اوكي تفضلوا ،( تقترب من مهند وتهمس في اذنه) ... إنتَ حسابك معي بعدين ...

مهند يهز لها برأسه غير مبالي على الإطلاق ... تغادر رؤى مع هيام و نيران الى المنزل ، يقف مهند مبتسماً وهو ينظر الى نيران ثم تلتفت نيران خلفها وتبتسم له ... ثم يصعدن بالسيارة وينطلقن نحو المنزل ...

FIDAA 88 · 04-09-2009, 10:30 PM

الحلقة الثانية : يوم سيئ جدا(4)

في المنزل :

البنات مجتمعات على المائدة ...

*ميسون : هلأ هيدا كله صار معك حبيبتي نيرا ؟؟

*نيران : ايه حبيبتي ... بس منيح رؤى مسكت عصابة السيارات وقدرت ترجع السيارة ، وانا مثل ما انتِ شايفة ما صرلي شي مجرد رضوض بسيطة مو اكتر ...

*هيام : انا لازم ارجع على المؤسسة اوكي ...

*ميسون ونيران : اوكي ...

تغادر هيام المنزل ويبدو ان رؤى كانت تنتظرها في الأسفل بسيارتها ...

*هيام : ايه رؤى صار فيكي توصليني على المؤسسة ؟؟

*رؤى : طيب بس اطمنتي على نيران ؟؟

*هيام : ايه هلأ ميسون وصلت من الشركة ... مسكينة شكلها اللجنة ما رضيت ترجع تشوف الملف !

*رؤى : اذا هيك حسابهن بيكون معي عسير !!

*هيام : رؤى نفسي تتصرفي بأنوثة شي مرة ، دائماً بتعتبري حالك رجال البيت ، هلأ انت لازم تشوفي حالك ومستقبلك ، لإمتين ناوي تبقي هيك ؟؟

*رؤى : ( بعصبية )

ست هيام ! انا من لما خلقت وانا هيك ، ممكن ما نحكي بهيدي السيرة ، لأني بدي وصلك وبدي روح عالمركز اطلب من هشام يرجع سيارة نيران ...

*هيام : طيب ، ما تعصبي .... ( تنطلق الفتاتان بالسيارة ) ...

داخل الشقة نيران تروي لميسون عن قصة مهند ...

*ميسون : بتعرفي شوقتيني اتعرف عليه ؟؟

*نيران : دخلك وين نادية ؟؟

*ميسون : نادية عند لجين كالعادة ...

تدخل ياسمين الى المنزل ...

*ياسمين : سلام صبايا

*ميسون : اهلين ... تعي اسمعي لأشوف ...

*ياسمين : خير شو في ، نيرا مو بعد ساعتين في حفلة موسيقية بالجامعة ، شو عم تعملي هون ؟؟

*نيران : مزبوط بس اجيت غير ثيابي و حضر الكاميرا والأفلام ، بس صارت معي حادثة طيرتلي نفوخي كله ...

*ياسمين :خير شو في !!

اخذت نيران تروي لياسمين ما جرى ...

ثم دخلت نيران و غيرت ملابسها وحضرت الحقيبة وانطلقت بسيارة هيام نحو الحفلة الموسيقية ...

في الجامعة :

داخل قاعة الإحتفالات ، على المسرح بدأت الفرقة الموسيقية بالرقص والغناء ...

اما نيران و عامر ( زميلها ) فكانا يصوران بالكاميرا أحداث الحفلة ...

لكن يبدو ان نيران نسيت الفيلم الإحتياطي داخل السيارة ...

*نيران : ( متوترة ) يا الله نسيت الفيلم بالسيارة ... عامر انا آسفة ممكن تنطرني لجيب الفيلم ...

*عامر : طبعاً ، بس بسرعة قبل ما يبلش المشهد الموسيقي الثاني

*نيران : اوكي

نيران تجري بسرعة نحو الخارج ، يتوجه جمال نحو عامر

*جمال : مرحبا عامر ..

*عامر : اهلين دكتور جمال ...

*جمال : شو بعدها نيران ما وصلت ؟؟

*عامر : ايه هي وصلت بس طلعت تجيب الفيلم من السيارة ...

*جمال : لكان انا طالع شوفها ... ( يغادر جمال القاعة ) ...

على سطح مبنى الجامعة :

وقف رجل وامرأة يتجادلان ...

*المرأة : انتَ ليش مو ادر تفهمني ... ومصر انك تجادلني ... انا خلص ما عدت اقدر اتزوجك ، اهلي رفضوا ...

*الرجل : ليش انا فكرتك بتحبيني ؟؟ ( غاضباً )

فجأة يمسك الرجل عنقها بيديه محاولاً خنقها ...

تحاول الفتاة الهرب من يديه لكنها عاجزة ضعيفة تماما ........

فالجميع مشغول في الحفلة الموسيقية ...

فجأة تصطدم المرأة بحافة المبنى وتسقط عن سطحه الى الأسفل وهي تصرخ
( لاااااااا) ......

*نيران : ( تأخذ الفيلم من السيارة ) وهيدا الفيلم ...

( ثم تسمع صوت الصراخ ) شو هيدا ؟؟

نيران متجمدة في مكانها ....... تنظر الى الجثة المحطمة على الأرض متفاجأة من الصدمة ...

ثم تتجه بعينيها و تنظر الى الأعلى ...

لترى وجه القاتل ......... فينظر هو بدوره اليها ...
ليدرك ان هنالك شخصاً سيكشف هوية القاتل الحقيقي ....

ثم يسمع المجرم صوتاً آتٍ نحو نيران ...

*جمال : ( يصرخ ) نيران !! نيران!!

حينها عرف القاتل من يواجه ففر هارباً من مكان جريمته ...

*جمال : ( مدهوشاً ) شوشوشو يلي صار ؟؟

*نيران : قتلها قتلها ، قتلها قدام عيني ، قتلها ...

اخذت نيران تنظر الى الجثة وعينيها تدمعان ثم تنظر الى السطح وتردد لجمال ...

( قتلها ...... قتلها قدام عيني ...... قتلها) ...

يتبع

mulan · 04-10-2009, 02:48 PM

اقتباس:

المشاركة الأصلية كتبت بواسطة FIDAA 88

مبروووووووووك

وهديتك هي :

أضغط هنا

وبتربحي لقب الحنونة نادية ان شاء الله ما يزعل مستر لبنان منك ههههه

انتظروا الحلقة الثانية في مساء اليوم ...

ميرسي حبيبتي يااااااي يعني انا صرت نادية هههههههه الحلقة الثانية في غاية الروعة
واكثر مشهد عجبني لما نيران تضحك بالمحاضرة يلي بكون فيها مهند ....... تقبلي مروري وعلى فكرت الهدية كتير حلوة رح وصي على موبايل مثله ...

mulan · 04-10-2009, 02:54 PM

ايه والمقطع يلي ما حبيته هوي اخر مقطع لما تشوف نيران القاتل وااااو كان مقطع مخيف ههههههه ان شاء الله يمسكوا بالحلقة القادمة وانا عم انتظرها بفارغ الصبر ...

FIDAA 88 · 04-10-2009, 04:23 PM

مشكوووووووورة حبيبتي على المرور ومبسوطة انه الحلقة عجبتك بانتظار بقية الأصدقاء

04-09-2009, 03:45 PM	#81
mulan قـمر جـديد تاريخ التسجيل: Apr 2009 المشاركات: 18	من هي الفتاة التي طردت من المحاضرة في الجامعة ؟؟ نيران ( نيرا ) على ماذا كان يحتوي ملف ياسمين ؟ وصفات طعام ما اسم زميل او مساعد ياسمين بالمطعم ؟ آدم بانتظار الأجوبة والهدية مميزة جدا يلا بدنا رابحة جديدة ............ نادية عم تنتظر : [/quote] قصة ومسلسل رائع مشكوووووووورة بانتظار الحلقة الثانية اليوم .... Share Share this post on Digg Del.icio.us Technorati Twitter آخر مواضيعي 0 أجمل مواضيع اليوم

04-09-2009, 05:24 PM	#82
FIDAA 88 {.::قــمر مــبدع::.} تاريخ التسجيل: Mar 2009 الدولة: هووووون المشاركات: 2,808	اجاباتك كلها صح مبروووووووووك mulan Share Share this post on Digg Del.icio.us Technorati Twitter __________________ best friends forever آخر مواضيعي 0 جوائز فرفشوا يا عرب 0 لكل راغب فى معرفه اسم زوج/ زوجة المستقبل 0 منطقة تسمى الباب الى الجحيم 0 مسابقة أجمل صورة في ليبموون 0 كيف تموت الملائكة ؟؟؟

04-09-2009, 06:04 PM	#83
FIDAA 88 {.::قــمر مــبدع::.} تاريخ التسجيل: Mar 2009 الدولة: هووووون المشاركات: 2,808	مبروووووووووك وهديتك هي : أضغط هنا وبتربحي لقب الحنونة نادية ان شاء الله ما يزعل مستر لبنان منك ههههه انتظروا الحلقة الثانية في مساء اليوم ... Share Share this post on Digg Del.icio.us Technorati Twitter __________________ best friends forever آخر مواضيعي 0 أجمل تواقيعي 0 الى المستأنس : سيد الخربشات 0 اطلب صورة - يرجي التثبيت 0 أجمل تواقيع الأعضاء 0 3 شخصيات محبوبة

04-09-2009, 08:37 PM	#84
FIDAA 88 {.::قــمر مــبدع::.} تاريخ التسجيل: Mar 2009 الدولة: هووووون المشاركات: 2,808	الحلقة الثاني : يوم سيئ جدا الحلقة الثاني : يوم سيئ جدا (1) في منزل الفتيات : نادية تتحدث على الهاتف مع زوجها جودت من لبنان ... جودت : شو يعني ما رح تيجي بعد يومين ؟؟ نادية : ايه حبيبي انا قررت ابقى مع الصبايا شي اسبوع كمان ... بتعرف البنات بالشغل وما في حدا يهتم بالبيت؟؟ جودت : ايه ، بس انتي صرلك شي شهر ؟؟ والله اشتقتلك ... نادية : بعرف حبيبي بس انا عنجد ما بقدر ما بعرف ليش اليوم بالذات قلبي حاسيسني انو رح يصير شي ... لا سمح الله ... جودت : طيب ... زي ما بدك انا هلأ عندي اجتماع مهم ، لازم سكر سلمي على الصبايا ، ايه حبيبتي ؟؟ نادية : بيوصل حبيبي يلا دير بالك على حالك منيح ... جودت : ما تخافي علي المهم انت ديري بالك على حالك و على ابني ، اتفقنا ؟؟ يلا باي ... نادية : ايه حبيبي مع السلامة ( تضع السماعة وتتوجه نحو المطبخ ) ياسمين : خير شو قلك جودت ؟؟ نادية : مسكين كان حابب ارجع بعد يومين وانا قلتلوا اني رح اجل سفري ... ياسمين : طيب حبييتي ... معوا حق انت لازم ما تربطي حالك فينا ! نادية : خلصنا بقا انا هيك قررت ... كمان شو مستقلعة مني ست ياسمين ؟؟ ياسمين : ( تعانق نادية ) طبعا لأ ، بالعكس انا حابي تضلي معنا على طول بس انا بحكي هيك لمصلحتك ... نادية : صدقيني انا هيك مبسوطة ... ياسمين : شو ما سامعة حس حدا شو طلعوا ؟؟ نادية : هيام وميسون نزلوا من بكير ، ورؤى اتصلوا فيها من المكتب عشان عصابة سرقة سيارات ومو سيارات ، اما نيران كالعادة بالجامعة ... ياسمين : طيب ، هيام اخذت سيارتها ولا لأ ؟ نادية : لأ ، اخذتها نيران ... ( تخرجان من المطبخ ) ياسمين : لكان الله بيعيني عالمواصلات اليوم ... يلا باي نادية : مع السلامة حبيبتي ... ( ياسمين تخرج وتغلق الباب خلفها ) في الجامعة : رامز يصعد على درج مدخل باب الجامعة و مهند ينزل من سيارته بسرعة ويلحق به ... مهند : ( ينادي بصوت مرتفع ) رااامز !! رامز : أهلاً ، شو كيفك طمني كيف كانت حفلتك يا سمو الملياردير ؟؟؟ مهند : من شان الله ما تذكرني ... اندلقت علي صنية مشروبات كاملة ... رامز : هههههه ، اكيد عم تمزح مهند : لا ما عم امزح ، امشي لأحكيلك القصة كلها ... بنفس الوقت كانت نيران في قاعة المحاضرات تستمع الى محاضرة دكتور جمال عن تقنيات التصوير العالية ...* جمال : من هون لحوالي اسبوعين لازم كل طالب منكن يكون حضر فيلم وثائقي مدته نصف ساعة على الأقل بيحكي عن اي شي انتوا شايفين انو بشكل خطر على مجتمعنا .... تفضلوا ممكن تمشوا ؟؟ الطلاب ينصرفون ... نيران تضع الكتب في حقيبتها لتنصرف ...* جمال : ( ينادي ) نيران ممكن لحظة ؟؟؟ نيران : نعم دكتور جمال ؟؟ احدى الفتيات تتحدث مع طالبة اخرى قبل مغادرتهما القاعة ... الطالبة الأولى : شو قصة الدكتور جمال مع هالطالبة ؟؟؟ الطالبة الأخرى : شو بعرفني شكلوا معجب فيها ؟؟ الطالبة الأولى : ( تنظر الى نيران بتكبر ) طالبات آخر زمن ... ( تغادران القاعة ) جمال : انا كنت بس بدي اتأكد انك ما عدتي متضايقة من المشكلة يلي صارت بينك وبين الدكتور ... نيران : لا إطمن دكتور جمال انا هلأ أحسن ... انا نسيت اصلاً يلي صار ... جمال : منيح وهلأ لوين رايحة ؟؟ نيران : بدي احضر محاضرة علم النفس الإجتماعي عند الدكتور رامز ... جمال : ( متعجب ) عفوا ً ، بس انتي طالبة اخراج ( يضحك ) يعني شو دخل علم النفس ؟؟؟ نيران : ايه الدكتور صديق للعيلة وانا كتير بحب احضر محاضراته ... جمال : ( ينظر الى يد نيران المصابة ) خير شو بها إيديك ؟؟ نيران : ولا شي ، جرح بسيط مو اكتر.. جمال : سلامتك ، بس نيران لو سمحتي ممكن ما تنسي حفلة الموسيقى اليوم ؟؟ انا معتمد عليك بالتصوير ... نيران : طبعاً ، انشالله بعد المحاضرة ... يلا باي جمال : مع السلامة Share Share this post on Digg Del.icio.us Technorati Twitter __________________ best friends forever آخر مواضيعي 0 صديقي 0 Shall I compare 0 اضحك القصة جدا ً مؤلمــــــــــة‏ 0 أجمل تواقيعي 0 الى المستأنس : سيد الخربشات

04-09-2009, 09:10 PM	#85
FIDAA 88 {.::قــمر مــبدع::.} تاريخ التسجيل: Mar 2009 الدولة: هووووون المشاركات: 2,808	الحلقة الثانية : يوم سيئ جدا الحلقة الثانية : يوم سيئ جدا (2) في مكتب رامز : رامز : هههههههه ، كل هيدا صار معك بليلة ، عنجد انك مسكين ... مهند : شو انا عم احكيلك عشان تتمسخر هلأ بندم ها !! رامز : ههههه ما تزعل ، اسمع شو رأيك تساعدني بالمحاضرة اليوم ؟؟ مهند : هلأ انا عم احكيلك عن الصبية يلي بدي موت لإعرفها وانت بتسألني عن المحاضرة ؟؟ رامز :طبعاً مو إنت شارلوك هولمز ؟؟ انا هلأ عندي محاضرة عن علم نفس الإجرام وانت ممكن تساعدني بصفتك محقق ؟؟ ولا شو ؟! مهند : اوكي رح ساعدك .... بس بشرط انا اسمي بس مهند مو الأمير مو ناقصني الصحافة تلاحقني ؟؟ رامز : تفضل لكان يا سيدي بطلعلك تشوف حالك !( يبتسم مهند ويغادران المكتب) في قاعة المحاضرات تدخل نيران وتجلس في المقعد الأمامي ... ثم يدخل رامز ومهند فيبدأ الطلاب بالنظر الى بعضهم البعض متسائلين عن هوية الشخص الذي يرافق رامز ... رامز : صباح الخير بقدملكوا المحقق مهند رح يساعدنا بمحاضرة اليوم ، يعني ممكن تطرحوا اي اسئلة بتثير فضولكوا ، وانا متأكد انو رح يقدر يعطيكوا الأجوبة الصحيحة .... تنظر نيران الى مهند حائرة كأنها تعرف ذلك الشخص ... طالب : استاذ مهند هلأ في عدة مجرمين بتبعوا نفس طريقة القتل يلي متبعة بكل جرائمهم برأيك ليش ما بتتغير طريقة القتل عندن ؟؟ يعني باختصار هل هذا سببه الحالة النفسية للمجرم ام خوفه اثناء ارتكابه كل جريمة ؟ مهند : طبعا ً الحالة النفسية للمجرم بتلعب دور كبير فاذا كان بدافع الإنتقام غير ان كان بدافع السرقة .... ( يتابع مهند الإجابة عن أسئلة الطلاب ) طالبة : استاذ مهند ممكن اسألك سؤال شخصي شوي ؟؟ مهند : تفضلي الطالبة : حضرتك مرتبط شي ؟! ( تنظر جميع الطالبات بتلهف لسماع الإجابة فجأة تضحك نيران بصوت مرتفع فينظر اليها مهند فتشير بيديها معتذرة ) نيران : عفواً ، انا آسفة ( ينظر مهند الى يديها المجروحة فيتذكر حينها ما حصل معه في المطعم ثم ينظر الى عينيها ويدرك ان هذه الفتاة هي نفسها تلك التي التقاها في المطعم .. مهند ( مبتسما ً ) : لا مو مشكلة ، وانا فعلاً مو مرتبط ( تبتسم الطالبات ) رامز ( ينظر الى نيران ) : شو نيرا مو حابي تسألي اي سؤال ؟؟ نيران : لا ، شكرا ً يخرج الطلاب من القاعة ....... تتوجه نيران الى الخارج ، تنزل عن السلالم ، رامز ومهند خلفها ، ينادي عليها رامز ...* رامز : نيرا !! تقف نيران وتنظر الى رامز ومهند ..* رامز : شو رأيك نوصلك بطريقنا نيران : لأ ما في داعي انا معي سيارة .. رامز : صحيح نسيت ، نيران بقدملك مهند صديقي من ايام الجامعة ، مهند بقدملك نيران اخت خطيبتي سابقاً ... ( يبتسم رامز وينظر الى مهند )* مهند : تشرفنا ، بس مو اسمك غريب شوي ؟! نيران : شو الغريب فيوا ؟؟ مهند : ما بظن انوا بروما كلها في حدا حامل هيك اسم ؟؟ نيران : مزبوط ( بسخرية ) بس انا بالأصل مو من روما ؟؟؟ يلا باي رامز رامز : مع السلامة ( تغادر نيران ) .. مهند : ولك رامز ، انا متأكد انو هاي هيي الصبية ؟؟ رامز : اي صبية ؟! مهند : يعني اية صبية ، البنت بالمطعم ! رامز : لا مو معقول ، ما بظن انها نيران ... لحظة ، شو اسم المطعم ؟؟ مهند : مطعم لوسو ... رامز : اذا هيك اكيد نيران !! مهند : وأخيراً صدقتني ... ليش بقا ؟ رامز : لأنو اخت نيران ، ياسمين ، بتشتغل بمطعم لوسو !! مهند : لكان تفضل احقق معك ... رامز ومهند يصعدان بالسيارة .... اما نيران فتخرج مفاتيح سيارتها من حقيبتها ... لكنها لا تجد السيارة ... نيران : ( مندهشة ) سيارتي !! وين راحت سيارتي ؟؟ تقف نيران تبحث عن السيارة في كل مكان فتنظر الى الطريق .......... وتتصل بهيام ....* نيران : آلو ... هيام الحقيني انسرقت السيارة !! هيام : ( من المؤسسة ) شو ... طيب خليكي بالجامعة انا جاي لعندك ، ما تخافي اوكي ؟؟ نيران : اوكي بس بسرعة هيام ... ( تخرج هيام من المؤسسة وتصعد بسيارة الأجرة متوجهة نحو الحرم الجامعي ) ...* في مركز الشرطة ، داخل مكتب رؤى : يدخل هشام وبيده الملفات ... هشام : صباح الخير رؤى رؤى : أهلاً ، شو صار معك ؟؟ هشام : قدرنا نمسك عصابة سرقة السيارات عند آخر لحظة اخيراً ... وهيدي ملفات بمواصفات السيارات يلي انسرقت وقدرنا نلاقيها ... يعطي هشام رؤى الملفات لتتفحصها حتى تصل الى الملف الثالث ..* رؤى : ( مندهشة ) مو معقول هيدي سيارة نيران !! هشام : شو انت متأكدة هيدي آخر سيارة قدروا يسرقوها قبل ما نمسكهن !! رؤى : انا لازم اطلع هلأ على الجامعة ، مسكينة نيران هلأ بتكون ميتة رعبة ... تغادر رؤى مركز الشرطة متوجهة نحو الحرم الجامعي ....* على طريق الجامعة رامز ومهند داخل السيارة : رامز : يا ربي ، نسيت شنطة الملفات بالقاعة خلينا نرجع .. مهند : تمسك بروفسيور ( يعود مهند بسرعة قصوى الى الجامعة فيصدم صبية واقفة عل الطريق ، ينزل مهند و رامز للإطمئنان على الصبية .... فيران نيران على الأرض مغماً عليها !! ) رامز : نيران ، انتِ سامعتني ، نيران بليز ردي علي ... مهند ( يتصل بسيارة الإسعاف )* Share Share this post on Digg Del.icio.us Technorati Twitter __________________ best friends forever آخر مواضيعي 0 مذكرات بنات روما 0 منطقة تسمى الباب الى الجحيم 0 كن صديقي 0 مبروك انت مطرود 0 لعبة أحلى تحية

04-09-2009, 09:33 PM	#86
FIDAA 88 {.::قــمر مــبدع::.} تاريخ التسجيل: Mar 2009 الدولة: هووووون المشاركات: 2,808	الحلقة الثانية : يوم سيئ جدا الحلقة الثانية : يوم سيئ جدا (3) في الجامعة : نيران مستلقية على مدرج الجامعة رامز ومهند يجلسان بجوارها محاولين ايقاظها دون جدوى .... تنزل هيام من سيارة الأجرة وترى حشد من الطلاب المتجمعين حول المدرج ... فتسرع الى هناك لترى ... نيران فاقدةً وعيها ... هيام : ( تصرخ ) نيران !! شو صار رامز احكي شو بها ؟؟ شو صار ؟؟ نيران ؟؟ ليش ما عم ترد ؟؟؟ رامز : هيام !! روقي ... نيران منيحة هيي بس فاقدي وعيها ما تخافي ( يحاول تهدئتها ) هيام : شو ما خاف فهمني شو صار ؟؟ مهند : انا آسف ، غلطتي انا ! انا صدمتها بالسيارة و..... رامز : هيام ، كان مجرد حادث ... هيام : طيب اتصلتوا بالإسعاف ... مهند : ايه انا اتصلت بس يبدو انو في حادث او عجقة على الطريق لحتا ما قدروا يوصلوا لهلأ ... هيام : طيب طلعوها لفوق ، ما في غرفة ممرضة هون بالجامعة ؟؟ رامز : ايه هوي فيه بس يبدو انها بإجازة اليوم !! هيام : يا الله ، نيرا حبيبتي ردي علي ؟؟ تصل رؤى الى الجامعة فتنزل من سيارتها مسرعة نحو حشد الطلاب .... رؤى ( تتحدث مع احدى الطلاب ) : خير شو في ؟؟ الطالب : ولا شي بس يبدو انه في حادثة سير يبدو انو واحد خبط الصبية .. رؤى : شو ؟؟ رؤى تسرع نحو المدرج لتجد هيام ورامز يجلسان بقرب نيران ومهند ما يزال يحاول الإتصال بسيارات الإسعاف ...* رؤى : هيام !! شو بها نيران ؟؟ مين عمل فيها هيك ؟؟ رامز : انا رح قولك اذا بتضمني انك ما تإذيه ؟؟ رؤى : هلأ وقتك يا رامز ! خبرني شو صار ؟؟ رامز : الله يستر ! اسمعي كان مجرد حادث سير مهند ما كان قصدوا وكمان مثل ما انتِ شايفة هيي ما تعورت بس اغمى عليها يعني حادث بسيط مو اكتر ... رؤى ( تبتسم وتخرج المسدس من جيبها كالعادة ) : ايه معك حق مجرد حادث ومين هوي مهند ؟؟ مهند : انا هوي ، انا فعلاً آسف وانا هلأ مستعد عالجها بأحسن مستشفيات روما ... رؤى : لأ و لووووو ما في داعي .... ( تشير بالمسدس نحو سيارتها ) انتَ رح تشرف معي هلأ عند مركز الشرطة وانا اكيدة اني رح اضمنلك انشاء الله الإعدام .... مهند : إعدام شو ؟؟ انتِ مين مفكري حالك ؟؟ هيدي مجرد حادثة بسيطة اتفقنا ...( بسخرية ) رؤى : ( بصوت عالي ) بالله شو !! ( نيران تصحو )* هيام : رؤى !! شوفي نيرا عم تصحى ( يسرع مهند ورؤى نحو نيران ) نيران : ( تفتح عينيها ) السيااارة !! راحت السيارة ... رؤى : هلأ وقت السيارة ، نيرا اسمعيني شوفي كم اصبع هدول ( تشير لنيران بستة اصابع ) ... نيران : عشرة ، ليش ؟؟؟ رؤى : ( تمسك بمهند ) امشي معي جننتلي اختي ... نيران : رؤى ، اتركيه ، انا كنت عم امزح معك من شان الله خلص ، هوي شو عمل ؟؟ هيام : ( تبتسم ) صدمك بالسيارة حبيبتي !! نيران : اذا هيك خذيه و اعديمه كمان ... رامز : شو عم تقولي الضربة طيرتلك عقلك !! صديقيني كان مجرد حادث مو اكتر ... ( تنهض نيران وتتوجه نحو رؤى وبكل بساطة تأخذ منها المسدس ورؤى واقفة تنظر اليها )* رؤى : ليش اخذتيه ؟؟؟ (تبتسم ) بدك تنتقمي مو هيك ؟؟ نيران : لا ، استاذ مهند انا آسفة انا بس كنت متوترة لأني ضيعت السيارة مو اكتر ويبدو انك صدمتني من دون ما تقصد ... انا رح سامحك لأنو الإصابة بسيطة وانا فعلاً آسفة على سلوك رؤى ... مهند : ( يبتسم ) مو مهم بكل عيلة الا ما يكون في بذرة فاسدة !! ينظر الى نيران ويبتسم لها فتبتسم له وتعيد المسدس لرؤى ....* رؤى : بذرة فاسدة ايه ؟! بتمنى انك تكون قاصد حالك مو حدا غيرك ؟؟ والا ؟؟ مهند : ( مرتبك ) لأ ولو قاصدك انت ِ طبعا ً .... تهجم رؤى عليه يحاول رامز و هيام ابعادها عنه ... رؤى : (بصوت مرتفع ) اتركوني عليه او بفجر الجامعة باللي فيها ( يغادر حشد الطلاب مسرعاً وهم مرعوبين مغادرين الجامعة بسبب خوفهم من كلام رؤى ) ...* هيام : رؤى حبيبتي انتِ اصلاً ، شو جابك لهون ... نيران : ايه مزبوط انا ما اتصلت فيكِ ، ( محتارة بسبب الحادث ) او اتصلت ؟؟ رؤى : لأ حبيبتي ما اتصلتِ ما هيام اهم ولوو ، على اي حال انا اجيت لأنو هشام مسك عصابة سرقة السيارات وعلى ما يبدو انو سيارتك كانت آخر محاولة للعصابة ... نيران : يعني لقيتيها ؟؟ رؤى : عيب انا شرطية ، ولو ما بتثقي في ؟؟ مهند : ( يسخر ) ايه مزبوط وعشان هيك بتهددي وبتوجهي سلاحك نحو اي شخص ، مو هيك ؟؟؟ رامز : خلصنا بقى مهند ! هيام : رؤى خذينا عالبيت لازم نيرا ترتاح ... رؤى : اوكي تفضلوا ،( تقترب من مهند وتهمس في اذنه) ... إنتَ حسابك معي بعدين ... مهند يهز لها برأسه غير مبالي على الإطلاق ... تغادر رؤى مع هيام و نيران الى المنزل ، يقف مهند مبتسماً وهو ينظر الى نيران ثم تلتفت نيران خلفها وتبتسم له ... ثم يصعدن بالسيارة وينطلقن نحو المنزل ... Share Share this post on Digg Del.icio.us Technorati Twitter __________________ best friends forever آخر مواضيعي 0 سجل حضورك باسم شخصيتك المفضلة 0 السر في رقم 7 0 بلييز مساعدة 0 جون كترز الرجل الذي سيغير العالم 0 لعبة أحلى تحية التعديل الأخير تم بواسطة FIDAA 88 ; 04-09-2009 الساعة 09:35 PM*

04-09-2009, 10:30 PM	#87
FIDAA 88 {.::قــمر مــبدع::.} تاريخ التسجيل: Mar 2009 الدولة: هووووون المشاركات: 2,808	الحلقة الثانية : يوم سيئ جدا الحلقة الثانية : يوم سيئ جدا(4) في المنزل : البنات مجتمعات على المائدة ... ميسون : هلأ هيدا كله صار معك حبيبتي نيرا ؟؟ نيران : ايه حبيبتي ... بس منيح رؤى مسكت عصابة السيارات وقدرت ترجع السيارة ، وانا مثل ما انتِ شايفة ما صرلي شي مجرد رضوض بسيطة مو اكتر ... هيام : انا لازم ارجع على المؤسسة اوكي ... ميسون ونيران : اوكي ... تغادر هيام المنزل ويبدو ان رؤى كانت تنتظرها في الأسفل بسيارتها ... هيام : ايه رؤى صار فيكي توصليني على المؤسسة ؟؟ رؤى : طيب بس اطمنتي على نيران ؟؟ هيام : ايه هلأ ميسون وصلت من الشركة ... مسكينة شكلها اللجنة ما رضيت ترجع تشوف الملف ! رؤى : اذا هيك حسابهن بيكون معي عسير !! هيام : رؤى نفسي تتصرفي بأنوثة شي مرة ، دائماً بتعتبري حالك رجال البيت ، هلأ انت لازم تشوفي حالك ومستقبلك ، لإمتين ناوي تبقي هيك ؟؟ رؤى : ( بعصبية ) ست هيام ! انا من لما خلقت وانا هيك ، ممكن ما نحكي بهيدي السيرة ، لأني بدي وصلك وبدي روح عالمركز اطلب من هشام يرجع سيارة نيران ... هيام : طيب ، ما تعصبي .... ( تنطلق الفتاتان بالسيارة ) ... داخل الشقة نيران تروي لميسون عن قصة مهند ...* ميسون : بتعرفي شوقتيني اتعرف عليه ؟؟ نيران : دخلك وين نادية ؟؟ ميسون : نادية عند لجين كالعادة ... تدخل ياسمين الى المنزل ...* ياسمين : سلام صبايا ميسون : اهلين ... تعي اسمعي لأشوف ... ياسمين : خير شو في ، نيرا مو بعد ساعتين في حفلة موسيقية بالجامعة ، شو عم تعملي هون ؟؟ نيران : مزبوط بس اجيت غير ثيابي و حضر الكاميرا والأفلام ، بس صارت معي حادثة طيرتلي نفوخي كله ... ياسمين :خير شو في !! اخذت نيران تروي لياسمين ما جرى ...* ثم دخلت نيران و غيرت ملابسها وحضرت الحقيبة وانطلقت بسيارة هيام نحو الحفلة الموسيقية ... في الجامعة : داخل قاعة الإحتفالات ، على المسرح بدأت الفرقة الموسيقية بالرقص والغناء ... اما نيران و عامر ( زميلها ) فكانا يصوران بالكاميرا أحداث الحفلة ... لكن يبدو ان نيران نسيت الفيلم الإحتياطي داخل السيارة ... نيران : ( متوترة ) يا الله نسيت الفيلم بالسيارة ... عامر انا آسفة ممكن تنطرني لجيب الفيلم ... عامر : طبعاً ، بس بسرعة قبل ما يبلش المشهد الموسيقي الثاني نيران : اوكي نيران تجري بسرعة نحو الخارج ، يتوجه جمال نحو عامر* جمال : مرحبا عامر .. عامر : اهلين دكتور جمال ... جمال : شو بعدها نيران ما وصلت ؟؟ عامر : ايه هي وصلت بس طلعت تجيب الفيلم من السيارة ... جمال : لكان انا طالع شوفها ... ( يغادر جمال القاعة ) ... على سطح مبنى الجامعة :* وقف رجل وامرأة يتجادلان ... المرأة : انتَ ليش مو ادر تفهمني ... ومصر انك تجادلني ... انا خلص ما عدت اقدر اتزوجك ، اهلي رفضوا ... الرجل : ليش انا فكرتك بتحبيني ؟؟ ( غاضباً ) فجأة يمسك الرجل عنقها بيديه محاولاً خنقها ... تحاول الفتاة الهرب من يديه لكنها عاجزة ضعيفة تماما ........ فالجميع مشغول في الحفلة الموسيقية ... فجأة تصطدم المرأة بحافة المبنى وتسقط عن سطحه الى الأسفل وهي تصرخ ( لاااااااا) ...... نيران : ( تأخذ الفيلم من السيارة ) وهيدا الفيلم ... ( ثم تسمع صوت الصراخ ) شو هيدا ؟؟* نيران متجمدة في مكانها ....... تنظر الى الجثة المحطمة على الأرض متفاجأة من الصدمة ... ثم تتجه بعينيها و تنظر الى الأعلى ... لترى وجه القاتل ......... فينظر هو بدوره اليها ... ليدرك ان هنالك شخصاً سيكشف هوية القاتل الحقيقي .... ثم يسمع المجرم صوتاً آتٍ نحو نيران ... جمال : ( يصرخ ) نيران !! نيران!! حينها عرف القاتل من يواجه ففر هارباً من مكان جريمته ...* جمال : ( مدهوشاً ) شوشوشو يلي صار ؟؟ نيران : قتلها قتلها ، قتلها قدام عيني ، قتلها ... اخذت نيران تنظر الى الجثة وعينيها تدمعان ثم تنظر الى السطح وتردد لجمال ... ( قتلها ...... قتلها قدام عيني ...... قتلها) ... يتبع Share Share this post on Digg Del.icio.us Technorati Twitter __________________ best friends forever آخر مواضيعي 0 انواع الإبتسامات 0 التواقيع المرشحة للفوز بلقب أحلى همسة 0 مقابلة مع نجوم قمر لبنان 0 مت شهيدا 0 فداء من الجنوب بانتظار ترحيبكم

04-10-2009, 02:54 PM	#89
mulan قـمر جـديد تاريخ التسجيل: Apr 2009 المشاركات: 18	ايه والمقطع يلي ما حبيته هوي اخر مقطع لما تشوف نيران القاتل وااااو كان مقطع مخيف ههههههه ان شاء الله يمسكوا بالحلقة القادمة وانا عم انتظرها بفارغ الصبر ... Share Share this post on Digg Del.icio.us Technorati Twitter آخر مواضيعي 0 أجمل مواضيع اليوم

04-10-2009, 04:23 PM	#90
FIDAA 88 {.::قــمر مــبدع::.} تاريخ التسجيل: Mar 2009 الدولة: هووووون المشاركات: 2,808	مشكوووووووورة حبيبتي على المرور ومبسوطة انه الحلقة عجبتك بانتظار بقية الأصدقاء Share Share this post on Digg Del.icio.us Technorati Twitter __________________ best friends forever آخر مواضيعي 0 أسئله واجابات ربما لاول مره تعلموا بها ... وقد تصدموا 0 اجمل تواقيع مجنون ليلى 0 مقابلة مع نجوم قمر لبنان 0 أجمل تواقيعي 0 منطقة تسمى الباب الى الجحيم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور هانا مونتانا حصري +حصري منقول	حسنين الفراتي	صور فنانات لبنان والعالم	6	09-28-2010 03:11 PM
حصري صور الجميله نور2010	حسنين الفراتي	صور فنانات لبنان والعالم	11	03-09-2010 10:58 AM
هندي يشرح الأبراج :	عديلة	نكت لبنانية Lebanese Jokes	3	01-23-2010 09:23 PM
مع فيدوووووووو( حصري )	FIDAA 88	منتدى قمر لبنان العام	63	04-14-2009 07:22 PM
قصة عن اعضاء المنتدى - حصري	FIDAA 88	منتدى قمر لبنان العام	25	03-15-2009 02:46 PM