منتديات ليب مون

يحمل آدم كوب الماء ويرميه كله على انور المسكين يستيقظ انور قائلا : شو شو صار حسيت حالي طاير مع النجوم ...






تدخل رؤى : صبايا شايفي انكن كلكن هون مرحبا ...



*ميسون ( تبكي ) : ضاع مستقبلي الفني كله ضااااااااع ...



*رؤى : شو ليش هيك عم تحكي ؟؟؟



*ميسون : كله من هالزفت انور ( توجه اصبعها نحوه ) انت السبب ...



*رؤى : لكان هيك ( تأخذ المسدس من جيبها و توجهه نحو جبين انور فيموت من الرعب ) ...



يصرخ الجميع لتهدئة رؤى




*ميسون : خليها تقتلوا وتريحني منو



*رؤى : هلأ بدك ترجع لأختي مستقبلها ولا ...



انور يعجز عن الكلام ويعلو صوت الفتيات وهن يطلبن من رؤى ان تهدأ فيدخل هشام ..



*هشام : شو شو في ؟؟؟



*رؤى : مسكت المخطط للعملية الإرهابية ...



*هشام : عفواً رؤى بس مو هيدا انور مدير المطعم ؟؟؟



( يأخذ هشام المسدس من يد رؤى )



*هشام : نسيتي انو في موكب لازم نحميه ؟؟؟



*رؤى : اوكي ، بس اسمعني منيح يا انور بدك تشرحلي كل شي والا رح ضيعلك مستقبلك سامعني ؟؟؟





*انور : نعم سيدي ... بقصد رررؤؤى !



اخذ انور والفتيات يشرحن القصة لرؤى كاملة ً ...



عند الطاولة الملكية :



جلس مهند وجده جورج ووالدته جينا واخته الصغرى ليس على الطاولة طلب مهند من الحارس انواع الأطعمة التي يرغبون بتناولها ...



كان مهند يتأفف من جلوسه فهو يكره بشدة الأمور والعادات الملكية ثم اتى الى الطاولة اصدقائه زاك وجوزيف ...



*زاك : سمو الملك اتسمح لنا بمرافقة صديقنا الأمير مهند ؟؟



*الملك : بكل تأكيد لكن احذروا من الصحافة ...



*مهند : شكراً جدو ...



*الملك : دير بالك الوضع مو آمن كفاية ...



*مهند : ما تخاف ... ولو !!



البنات في الجهة الأخرى من المطعم :



*نيران : انا عندي فكرة ما رح يفتح الشيف الملف قبل ما يخلص الموكب الملكي فاحنا بنقدر نبدل الملفين مع بعض لو قدرنا نشغله بأي شي ...



*رؤى : ايه نيرا شو رأيك نتصرف كأنه في ارهابية بالمطعم ؟!



*ميسون : هلأ ما وقت مزح انتو وعدتوا انكن تساعدوني ... لحظة اصلا ً ما انا يلي رح اخسر شغلي ياسمين هيي يلي رح تصير عاطلة عن العمل اوكي ؟؟ يعني خلوني جيب الملف ببساطة ...





*ياسمين : لأ حبيبتي ما حذرتي احنا كلنا واقعين بالمشكلة ذاتها اوكي ؟؟؟



*نادية : طيب شو رح تعملوو ؟؟



*هيام : شو رأيك تعملي حالك رح تولدي وهيك بينشغلوا الزباين وبنقدر نبدل الملفات ....







*هشام : يا صبايا هاي الخطة مو ناجحة لانو بالأصل اختكم بعدها ما صرلا 7 شهور لنقول انها بدى تولد ...



*ياسمين : وانت شو عرفك ؟



*نيران : ما بدا ذكى !



*آدم : نيران ؟!



*نيران : نعم



*آدم : لا لا ... اقصد لما لا نشعل النيران ؟!



*ميسون : ببساطة ما بضيع مستقبلي بس كمان بضيع مستقبل نص روما !!



*هيام : نيران معها حق لازم نفكر ...



*رؤى : نيرا قديش فيك تحبسي حالك تحت الطاولة ؟؟



*نيران : ليش بشو عم تفكري ؟!



اخذ الجميع يستمع الى خطة رؤى ... وبعدها ....






اخذت نيران تحبو على الأرض محاولة ً تفادي اقدام الجميع حاملة ملف الوصفات بين اسنانها حتى وصلت بعد طول انتظار الى طاولة الشيف ادوارد والآن بدأت الخطة ...

اقتربت نادية من طاولة الشيف وهي تحمل ورقة وقلم بيد وكوب العصير باليد الأخرى ...



*نادية : مرحبا كيفك شيف ادوارد انا من اشد المعجبين بحضرتك وعلى فكرة انا من لبنان ... ممكن احصل على توقيعك ..



*الشيف : اكيد ، تفضلي ...





قامت نادية باسقاط العصير عمداً على ثياب الشيف ...

*نادية : انا آسفة ... سوري !!

*الشيف : لأ مدام ما تعتذري هاي مجرد حادثة مو مشكلة ؟؟

*نادية : حادثة ! ايه مزبوط انا فعلا ً آسفة

ذهب الشيف نحو التواليت لينظف ثيابه وتوجهت نادية نحو المطبخ مشيرة الى نجاح الخطة للبنات ....

ثم مدت نيران يدها من تحت الطاولة الى خارجها فتمكنت من اخذ ملف الأزياء وإستبداله بملف الوصفات لحسن الحظ تمكنت من سحب يدها قبل عودة الشيف وجلوسه ....

فأخذت تسرع بالخروج من هذا المأزق التي وضعتها به شقيقتيها وعند وصوله لنصف الطريق وقفت لتصطدم بالنادل الذي كان يحمل المشروبات ليقدمها الى الأمير مهند حينها صب مهند غضبه كله عليها ليجدها قد اخفت وجهها بملف الأزياء الذي تحمله لتتفادى المواجهة مجدداً دون ان يكترث لجرح يدها بالزجاج ....

*مهند : انت وحدي ما بتفهمي ... انت عارفي انا مين بكون ؟؟

قلقت الفتيات اللواتي يراقبن الأجواء من كشف امرهن ...



*نادية : يا جماعة انا ما شايفي شي الناس كلها متجمعة معقول مسكوا نيرا ...



*هيام : الله يستر



*رؤى : اصلا ً يلي بمس شعرة وحدي من راسها مين مكان يكون بمحيه عن وجي الدني ...



*هشام : يا جماعة الناس عم يقولوا انوا نيران علقت مع الأمير



*البنات : شو ؟؟



*ميسون : ليش في بروما امير وانا ما بعرف ؟؟



*ياسمين : ليك هي وين واحنا وين !!






اخذت نيرا تركض وحاول مهند ايقافها فسقط الملف من يدها فالتقطته عن الأرض محاولة الهروب حينها نظر مهند الى تلك العينان كأنهما يعرفهما منذ زمنٍ
بعيد فتمكنت نيران من الهرب مسرعة ً نحو السيارة فركضت نادية وهيام وميسون خلفها حتى صعدن بالسيارة متفاديات رجال الشرطة وكانت سعادة ميسون بملفها اكبر من سعادتها بخروج اختها حية من ذلك المأزق ....



*هيام ( تلف يد نيرا بشالها ) : لازم نروح عالبيت بسرعة ...



*ميسون ( تقود السيارة ) : يا الله نيران انت بطلة هيك واجهتي الأمير انا ما مصدقة هلأانت شوفتي الأمير وانا لا ..





*نيران : ههههههههههه ليش مين قال اني شفتوه كنت مثل النعامة يلي بتخبي راسها بالرمل بس انا خبيتو ورا الملف ...



*نادية : نيرووو يعني ما شفتي الأمير ؟؟



*نيران : لا



في المطعم :



الشيف مع انور وياسمين وآدم ...



*الشيف ادوارد : بعترف يا آنسة ياسمين انو وصفاتك بتستحق الدرجة الأولى فبيسعدني اني اخبرك انك انجحت بالإمتحان بالرغم من الوضع الموطبيعي يلي صار هون ...



*ياسمين : شكرا ... ان بيسعدني اني كون واحدة من تلاميذ الشيف الشيف الكبير حضرتك ...



*الشيف ( لأنور ) : انا رح بلغ صاحب المطعم بالنتيجة اليوم وطمنوا انوا موظف اشرف و ابرع الناس في مطعم لوسو ...



*آدم : نأمل ان نبقى عند حسن ظنكم ...





في مركز الشرطة :



*ميس : يعني هشام بدك تفهمني كل هيدا يلي صار وما قدرتوا ولا حتى تلمحوا الأمير ؟!



*هشام : لا



*ميس : انا ما مصدقة





*رؤى : ليش ما بكفيك انك تلمحي خطيبك كل يوم ؟؟



*ميس : ( تنظر الى هشام ) معقول اصلا ً لو بلف العالم كله ما بلاقي حدا مثلو ...



*رؤى : ولو على هيك لازم نحطو بالمتحف ( تنظر بابتسامة ساخرة الى هشام )



في المنزل :






تدخل رؤى بيدها كيس لتجد الفتيات مجتمعات حول المائدة ...



*رؤى : شو صار معك آنسة ميسون ؟؟



*ميسون : من شان الله ما تذكريني اللجنة رفضت انها تقابلني ...



*نادية : يعني تعبنا كله راح عالفاضي ...



*ياسمين : ما تقولوا هيك انا اتعينت الشيف الرئيسي بمطعم لوسو ..



*نيران : خلص كأنو ما حدا نجح غيرك شو نسيتوا اني رحت ما اروح فيها بسبب ملفاتكوا



*هيام : لا حبيبتي ... بس انا كمان نجحت ووافقت المؤسسة على جمع التبرعات الكافية بفضل بحثي ...



*رؤى : ايه بالنسبة للملفات شو مشترين الثلاثة بسعر واحد لحديت كل وحدي منكن عندها ملف اخو التاني ( ترمي الكيس فوق الطاولة ) ...



*هيام : شو هيدا



*رؤى : افتحيه



( تفتح هيام الكيس لتجد فيه 6 ملفات ملونة بالوان مختلفة )



*البنات : ملفات !!!



*رؤى : ايه وهل مرة في احتياطي



( تعطي احدى الملفات الى ياسمين )



*ياسمين : شو هيدا صورة دب !!



*رؤى : اذا تاني مرة بتقربي صوب غرفتي لأعملك متلو ... مفهوم ؟



( تقف ياسمين مؤدية التحية لرؤى )



*ياسمين : مفهوم سيدي ( تضحك الفتيات )




وبعيداً عن مبنى اوردين في القصر الفاخر يجلس الأمير مهند على كرسيه الهزاز شارداً بصورة تلك الفتاة الغريبة وعينيها الساحرتين متسائلاً عن هويتها ...



تم

اذا حابين تعرفوا اذا مهند ونيران رح يرجعوا يلتقوا انتظروا الحلقة الثانية .........

ميرسي فداء عالحلقة الاولى متابعة معك يعطيكي العافية

مشكووووووورة عسولة انا رح اعرض الحلقة الثانية الأسبوع القادم ( الخميس ) وفينا ناقش طيلة هيدا الأسبوع اطرف شيء او موقف تعرضت له بنات روما في الحلقة الأولى ....

شو يا جماعة ما حدا عرف الأجوبة ؟؟

بس لأ القصة كتير حلوة بس مو من الحلقة الاولى انتظري لحلقة العروس وقاطع الرؤوس او قتلها امام عينيها وانا متأكدة انها رح تعجبك .....

شو هبهوبة حسيتك ما قرأت الحلقة ؟؟

من رجع الشريط

الحلقة الأولى :

في احد شوارع روما تمر ياسمين بجانب البقالة ...



*البقال : صباح الخير يا ست ياسمين .... عندي اليوم خضرا طازجة غير شكل شو رأيك تجربيها ؟



*ياسمين : لا دخيلك عم حاول اعمل رجيم ...



*البقال : الله يسامحك معقول تحرمي حالك ؟؟ والله شكلك مثل جوليا روبرتز ...



*ياسمين : عنجد ... اذا هيك اعطيني كيلو تفاح ، و2 كيلو كوسا ... و بدي رز كمان او اقولك اعطيني من هيدا وو....




في مبنى اوردين عند الطابق الرابع في الشقة 66 يقرع الباب بشدة ، تركض هيام لفتح الباب ...





*هيام : ياسمين شو هيدا كله ما على اساس ريجيم وما ريجيم !



*ياسمين تضع الأكياس على الطاولة ) اوووف ! ما تعمليلي مثل ميسون ما نقصني انا هيك مرتاحة ...



*هيام : ( مع ضحكة ساخرة ) مرتاحة ! طيب روحي فيقي الصبايا عشان يفطروا ...



*ياسمين : حاضر ...



تخرج ميسون من غرفتها لتسمع صوت الصراخ آتي من غرفة رؤى فتذهب لترى ما يجري .... فتقف على باب الغرفة لترى رؤى مرتدية بذلة الشرطة موجهة المسدس نحو رأس ياسمين ...




*رؤى : انا كم مرة قولتلك ما تدقي على باب غرفتي وتزعجيني اه ؟؟



*ياسمين : ( بنبرة من الخوف )والله كنت بس بدي صحيك مو اكتر ... عنجد انا آسفة ، خلص التووووووبة !!



*ميسون : ( تفرقهما عن بعضهما البعض ) رؤى هيدا المسدس للمجرمين مو للمجانين ... خلصنا بقا ...



*ياسمين : ( بغضب ) و الله شو هلأ انا المجنونة ست ميسون ....



تدخل نادية الى الغرفة ...



*نادية : شو بكوا بعدنا الصبح يلا امشوا معي نفطر اخوة آخر زمن ، شو انا تركت لبنان وجوزي وجيت قضي وقتي معكن بالخناق والزعل .... شو نسيتوا اني حبلا يلا لشوف لبرا ؟؟



تأخذ رؤى المسدس بغضب وتوجهه نحو الجنين في بطن نادية ... ترفع نادية يديها الى فوق كالمجرمين



*نادية ترجف من الخوف ) حرام عليك شو نسيتي انك خالتو للصبي ...



*رؤى : طيب سماح يلا لأشوف لبرا( تشير بالمسدس نحو الباب ) ...


تخرج الفتيات الى خارج الغرفة ثم تدخل ياسمين الى الغرفة الموجودة في آخر الممر ، تدخل اليها وتفتح الستائر لتدخل اليها اشعة الشمس ثم تتوجه الى سرير نيرا وترفع الغطاء عنها ...






*ياسمين : نيرا حبيبتي إصحي رح تتأخري على الجامعة يلا إصحي حبيبتي ... صارت الساعة 11 ..



*نيرا : ( تنهض بسرعة ) شو ! تأخرت على المحاضرة ...



ترتدي نيران ملابسها وتسرح شعرها بسرعة...







تجتمع باقي الفتيات حول مائدة الطعام لتناول الفطور ...

*هيام : اسمعوا انا اليوم رح اتأخر ، اوكي عندي مقابلة مع مؤسسة الأيتام ...



*نادية : ايه حبيبتي مو مشكلة ، ان اصلا ً رح ابقى بالبيت اليوم ..


ترتدي نيران معطفها وهي مرتبكة ، وتنظر يميناً وشمالاً كأنها تبحث عن شيء ما ..





*ميسون : يي على شو عم تدوري ؟؟ مو لازم نقول صباح الخير بالأول حبيبتي ؟؟



*نيرا : أاانا اسفة ... عم دور على مفتاح السيارة ؟؟



*هيام : ايه حبيبتي المفتاح بإيديك شو بكي ؟؟؟



تضحك ياسمين وتسقط على الأرض آآآآآآآآآآآآآآخ ....



*نيرا : خلص حاجي تضحكي ... انا بس متلبكة شوي اوكي تأخرت على المحاضرة وخايفة الدكتور ما يقبل يدخلني .....



*نادية : ليش على زوقو مو عم يوخذ اجرتو كل شهر ؟؟؟



*هيام : طيب افطري الأول



*نيرا : لا ، بفطر بالجامعة يلا باي ....



*البنات : باااااااااي



*هيام : طيب انا لازم امشي يلا باي


من شدة عجلتها اخذت الملف الذي على طاولة المطبخ بدلا ً من ملفها الموجود على مكتبها ...



*ميسون : خذيني بطريقك انا لازم اوصل على شركة ناباولو ( لتصميم الأزياء وعرضها ) عشان وريهن على التصاميم يلي صممتها لحفل بكرا ....



*هيام : ايه ، يلا بسرعة بس ....



تبحث ميسون عن الملف ولا تجده فتدخل الى غرفة هيام وتأخذ ملفها الموجود على المكتب .... وتغادر الفتاتين بسرعة ...

تنهض ياسمين عن طاولة الطعام ....



*ياسمين : اااخ يا الله بتصدقي اني بعدني جوعاني يمكن من رياضة المشي يلي عم اعملها الصبح ...



*نادية تضحك )ايه حبيبتي عشان تضعفي ويجي نصيبك !



*ياسمين : اكتر من هيك ،والله مو شايفة ؟؟ شو اعمل اذا ما بقدر استغني عن الأكل ؟؟



*نادية : طيب يلا روحي غيري ثيابك رح تتأخرى عالشغل ، ولا بدك انور يفضل آدم عليكِ ؟؟



*ياسمين : ايه معك حق لازم امشي ...





تدخل ياسمين غرفتها لتغير ملابسها اما نادية فتدخل الصحون الى المطبخ لغسلها ...



*نادية : ياسمين رح تتأخري شي اليوم ؟؟؟



*ياسمين : ايه حبيبتي اليوم جاي شخصية مهمة على المطعم الله اعلم مين ؟؟ وكمان رح يجي الشيف ادوارد على المطعم عشان يشوف الوصفات الأكل يلي بحضرها ويقارنها بجودتها ونوعيتها مع المطاعم التاني يعني انا اليوم يمكن اتأخر كتير ...



*نادية : اوكي حبيبتي



*ياسمين : يا الله وين راح ؟؟



*نادية : على شو عم تدوري ؟؟؟



*ياسمين : ملف الوصفات حطيتو على الطاولة هون وما لاقيتو ؟؟



*نادية : دوري منيح بركي حطيتو بمكان تاني ونسياني ؟؟؟



*ياسمين : يمكن معك حق ...



تبحث ياسمين في غرفة الطعام والصالون لكنها لا تجده ثم تدخل غرفتها (وهي غرفة ميسون ايضا ً) تبحث في كل مكان ... فتجده تحت كومة الثياب التي وضعتها ميسون ...



*ياسمين : يا الله من هالبنت متعودي دايما ً على اللبكة اووف ... يلا باي نادية انا لازم روح اوكي ؟؟



*نادية ( من المطبخ ) : اوكي حبيبتي يلا باي ...